USI Мэргэжлийн Сургууль

Биднээс утсаар болон майлээр байнга давтагдан асуудаг асуулт хариултыг доор нийтлэв. Таны асуулт энд байхгүй аваас бидэнд хандаж болно. Бидэнтэй хандах .  

1.            “ЮүЭсАй“ Мэргэжлийн Сургуулийн эрхэм зорилго?

2.            Эхний жилийг төгссөний дараа ямар ямар чадварыг эзэмшсэн байх вэ?

3.            Ямар чадвартай болж төгсөх вэ?

4.            Сургууль төгссөн сертификат ямар байдлаар хүчин төгөлдөр болох?

5.            Шалгалт авах уу? Шалгалтыг юугаар авах вэ?

6.            Элсэгчид ямар шаардлага хангасан байх шаардлагатай вэ?

7.            Ямар багш орох вэ? Япон багш орох уу?

8.            Япон, Америк явах боломж хэр вэ?

9.            Оюутны тэтгэлэг өгөх үү?

10.       Орох хичээлүүд, агуулга нь гарсан уу? Хаанаас харж болох вэ?

11.       Насны хязгаар бий юу? (Одоо математик мартсан байх, хөнгөлөх боломж бий юу? Сургууль төгсөөд удаж байгаа, өөр мэргэжлийнх)

12.       Оройн анги гэж байгаа юу?

13.       Монгол багш нар нь ямар багш байх вэ? Цагийн багш нар уу?

14.       Бакалаврын зэрэг олгох уу?

15.       Know how гэж юу вэ?

16.       Япон хэлний хичээл эхний жилд орох уу, эсвэл дараагийн жил орох уу?

17.       Энэ жил хэдэн оюутан элсүүлэх вэ?

18.       Нэг ангид хэдэн хүүхэд байх вэ?

19.       Төгсөхөд Англи хэлний чадвар ямар түвшинд хүрсэн байх вэ?

20.       Төгсөхөд Япон хэлний чадвар ямар түвшинд хүрсэн байх вэ?

21.       Сүлжээ талруугаа түлхүү орохгүй юмуу?

22.       Төлбөр болон төлбөр төлөх байдал?

1.            “ЮүЭсАй“ Мэргэжлийн Сургуулийн эрхэм зорилго:
Мэдлэгийн шинэ эрин үеийн хэрэгцээнд нийцсэн гадаад зах зээлд ажиллах чадвартай програмист бэлтгэх.

2.            Эхний жилийг төгссөний дараа ямар ямар чадварыг эзэмшсэн байх вэ?
Эхний жил Боловсролын яамнаас тависан шаардлагын дагуу дискрет математик, англи хэл, япон хэл орох бөгөөд мэргэжлийн чиглэлийн хувьд алгоритм, програмчлалын үндсэн ойлголт, Си хэл, java хэл, сүлжээ, үйлдлийн системийн онол болон анхан шатны програм бичих чадвартай болсон байна.

3.            Ямар чадвартай болж төгсөх вэ?
Си, Жава хэл дээр Юникс болон Виндоузын орчинд програмчлах болон веб програмчлах чадвартай болно. Мөн шууд ажил дээр гараад ажиллах чадвар, Япон, Англи хэл дээр мэргэжлийн ном хэвлэлийг бүрэн хэмжээгээр ойлгох чадвартай болж дүүргэнэ.

4.            Сургууль төгссөн сертификат ямар байдлаар хүчин төгөлдөр болох?
Сертификат бус Боловсролын яаманд зөвшөөрөгдөж, бүртгэгдсэн Мэргэжлийн үнэмлэх олгоно.

5.            Шалгалт авах уу? Шалгалтыг юугаар авах вэ?
Алгоритм, сэтгэн бодох математик болон оюуны чадамжийн тест болон англи хэлний материалаар шалгаж элсүүлнэ.

6.            Элсэгчид ямар шаардлага хангасан байх шаардлагатай вэ?
10 жилийн ерөнхий эрдмийн боловсрол эзэмшсэн байх ба Математикийн шалгалтын оноо 500 (хувиар бол 75%), Англи хэлний шалгалтын оноо 500-аас (хувиар бол 75%) доошгүй байх.

7.            Ямар багш орох вэ? Япон багш орох уу?
Эхний жил Монгол багш нар заах болно. Зарим хичээлийг Япон багш англи хэл дээр орно.

8.            Япон, Америк явах боломж хэр вэ?
Өөрсдийнх нь хичээл зүтгэл, хэлний болон мэргэжлийн чадвараас хамаарна.

9.         Оюутны тэтгэлэг өгөх үү?
Боловсролын Яамнаас зөвшөөрөгдсөн сургууль учир оюутны тэтгэлэг олгоно. Сар бүр 45,000 төгрөг

10.       Орох хичээлүүд, агуулга нь гарсан уу? Хаанаас харж болох вэ?
Танилцуулга болон Вебээс үзнэ үү. Хичээлүүд

11.       Насны хязгаар бий юу? (Одоо математик мартсан байх, хөнгөлөх боломж бий юу? Сургууль төгсөөд удаж байгаа, өөр мэргэжлийнх)
Ерөнхийдөө насны хязгаар байхгүй. Харин шалгалтанд ямар нэгэн хөнгөлөлт байхгүй.Гол нь мэдээллийн технологийн мэргэжилтэн болох чин хүсэлтэй байх хэрэгтэй.

12.       Оройн анги гэж байгаа юу?
Оройн анги гэж байхгүй. 

13.       Монгол багш нар нь ямар багш байх вэ? Цагийн багш нар уу?
Мэргэжлийн хичээлийг ЮүЭсАй компаний олон жилийн туршлагатай Инженер-багш нар заана.

14.       Бакалаврын зэрэг олгох уу?
Бид анхнаасаа Бакалаврын зэргийг урьтал болгоогүй. Өнөөдөр бакалаврын зэрэг олгодог сургуулиуд тэр бүр чанарын шаардлага хангасан боловсон хүчин бэлдэж чадахгүй байна. Ажлын талбарт гараад үнэхээр юм хийж чаддаг, практик чадвартай боловсон хүчин бэлтгэхийг үндсэн зорилгоо болгодог. /Ирээдүйд бакалавр бэлтгэдэх зорилт бий/

15.       Know how гэж юу вэ?
Мэдлэг чадвар, арга туршлага гэсэн Англи үг.

16.       Япон хэлний хичээл эхний жилд орох уу, эсвэл дараагийн жил орох уу?
1-р курсээс эхлэн Япон болон Англи хэл орно.

17.       Энэ жил хэдэн оюутан элсүүлэх вэ?
2010-2011 оны хичээлийн жилд 40 оюутан элсүүлнэ.

18.       Нэг ангид хэдэн хүүхэд байх вэ?
Нэг анги 20 оюутантай байна.

19.       Төгсөхөд Англи хэлний чадвар ямар түвшинд хүрсэн байх вэ?
Англи хэл дээр мэргэжлийн ном материалыг бүрэн уншиж ойлгох, техникийн баримт боловсруулах хэмжээнд  хүрнэ.

20.       Төгсөхөд Япон хэлний чадвар ямар түвшинд хүрсэн байх вэ?
Япон хэлний түвшин тогтоох шалгалтын 2-оос 3-р түвшинд тэнцэх хэмжээний программтай.

21.       Сүлжээ талруугаа түлхүү орохгүй юмуу?
Сүлжээ вэбийн хичээлүүд орно. Ерөнхийдөө суралцагсдын 70-80% нь програмистаар төгсөх бодлоготой.

22.       Төлбөр болон төлбөр төлөх байдал:
  Жилийн сургалтын төлбөр 2 сая төгрөг байх бөгөөд хичээл эхлэхийн өмнө төлбөр төлсөн байх хэрэгтэй.